"Ынтымак Ордо"

"Ынтымак Ордо"

12.09.2024

Үстүбүздөгү жылдын 12-сентябрында “ Креатив-Таалим” Билим берүү комплексинин жетекчилери КР Президентинин Администрациясынын жана Министрлер кабинетинин “ Ынтымак Ордо” жаңы имараты менен таанышып келдик. Өлкө башчыларыбыздын демилгеси менен курулган имарат өзүнүн архитектуралык кооздугу менен гана көз жоосун албастан, улуттук колоритти камтыган ички мазмуну менен да бизди суктандырды. Ар бирибизде өзгөчө сыймыктанууну, толкунданууну пайда кылды.

“Ынтымак Ордо” биздин өлкөнүн алыскы жана жакынкы мамлекеттер менен жүргүзө турган кызматташуубуздун ыйык ордосуна айлансын. Кыргызстандын өнүгүшү үчүн зор салым кошуп жаткан өлкө жетекчилерине терең ыраазычылык билдирип, иштерине албан ийгиликтерди каалайбыз!